ഗൂഗിളിനെ കൊള്ളയടിക്കുന്ന അമേരിക്കൻ മോഷ്ടാക്കൾ .

ഗൂഗിൾ ആസ്‌ഥാനത്ത് സ്‌ഥിതി ചെയ്യുന്ന ആൻഡ്രോയിഡ് റോബോട്ടിന്റെ ആദ്യ സ്റ്റാച്യുവിനോടൊപ്പം ‘അലക്സ്’ എന്ന് പേരുള്ള ഒരു റോബോട്ട് നായയുടെ പ്രതിമ കൂടി സ്‌ഥാപിക്കപ്പെട്ടിരുന്നു. 2009ൽ ആരോ മോഷ്ടിച്ച ആ പ്രതിമയെയോ അതിന്റെ മോഷ്ടാവിനെയോ ഇതുവരെയും കണ്ടെത്താൻ കഴിഞ്ഞിട്ടില്ല. തന്റെ കൂടെയുണ്ടായിരുന്ന അലക്സിനെ നഷ്‌ടമായ ആൻഡ്രോയിഡ് റോബോട്ട് അവനെയും കാത്ത് ഇന്നും ഏകനായി അവിടെത്തന്നെയുണ്ട്. ഇങ്ങ് കേരളത്തിൽ മാത്രമല്ല, അങ്ങ് കാലിഫോർണിയായിലും പെരുങ്കള്ളന്മാർ ഉണ്ടെന്ന് മനസ്സിലായില്ലേ!

അത് പോലെ തന്നെ കാലിഫോർണിയായിലും രസകരമായ ഒരു സംഭവം അരങ്ങേറി. ഗൂഗിൾ ആസ്ഥാനത്ത് സ്ഥാപിച്ചിരുന്ന ജെല്ലി ബീ ൻ സ്റ്റാച്ചുവിന്റെ തല ചൂടിൽ ഉരുകി പൊട്ടി. ഇത് മുതലാക്കിയ ഒരു വഴി പോക്കൻ അതിനുള്ളിലെ ജെല്ലി ബീൻ മോഷ്ടിച്ചുക്കൊണ്ടുപോയി. കേടുപാടുകൾ തീർത്ത് ഗൂഗിൾ വീണ്ടും ഇത് പുനസ്ഥാപിച്ചു.