Xiaomi ഉം Nokia ഉം ഒന്നിക്കുന്നു??

കഴിഞ്ഞ കുറച്ചു വർഷങ്ങളായി ചൈനീസ് സ്മാർട്ട്ഫോൺ നിർമാതാക്കളായ Xiaomiയും, ഫിന്നിഷ് ടെലിക്കോം ഭീമൻമാരായ Nokiaയും പല മാർക്കറ്റുകളിലും പരസ്പരം ഒന്നിച്ച് പ്രവർത്തിക്കുന്നുണ്ട്. ഒരു ഘട്ടത്തിൽ Nokiaയിൽ Xiaomi ഇൻവെസ്റ്റ് ചെയ്യും എന്നുവരെയുള്ള വാർത്തകൾ പുറത്തുവരികയും ചെയ്തിരുന്നു. പക്ഷേ അത് വെറുമൊരു ഗോസിപ്പ് മാത്രമായി അവശേഷിച്ചു. എന്നാലിപ്പോൾ Xiaomiയും Nokiaയും യഥാർഥത്തിൽ ഒന്നിച്ചിരിക്കുകയാണ്! Xiaomiയുടെ ഗ്ലോബൽ സ്പോക്സ്പേഴ്‌സൺ Wang Xiang ആണ് തന്റെ സോഷ്യൽ നെറ്റ്വവർക്കിങ്ങ് പേജിലൂടെ ആഗോള സ്മാർട്ട്ഫോൺ ഭീമൻമാരായ ഈ രണ്ടു കമ്പനികളുടെയും ഒത്തുചേരലിനെ ലോകത്തെ അറിയിച്ചത്. കമ്പനികൾ തമ്മിലുള്ള ധാരണ പ്രകാരം രണ്ട് കമ്പനികളുടെയും സ്വകാര്യ അവകാശമുള്ള വസ്തുക്കൾ, പേറ്റെന്റുകൾ ഉൾപ്പെടയുള്ളവ പരസ്പരം ഉപയോഗിക്കാം. ഇതിലൂടെ Xiaomiക്ക് മാത്രം സ്വന്തമായിരുന്ന ടെക്നോളജികൾ Nokiaയും, Nokiaക്ക് സ്വന്തമായിരുന്നവ Xiaomiയും തങ്ങളുടെ പ്രൊഡക്റ്റുകൾക്ക് വേണ്ടി ഉപയോഗിക്കും. നെറ്റ്വവർക്കിങ്ങിനും, ഇന്റർനെറ്റ് വിപുലീകരണത്തിനും പുറമേ ഓഗ്മെന്റഡ്, വിർച്വൽ റിയാലിറ്റി, ആർട്ടിഫിഷ്യൽ ഇന്റലിജൻസ് എന്നീ മേഖലകളിലും രണ്ട് കമ്പനികളും ഒന്നിച്ച് പ്രവർത്തിക്കും. Xiaomi ഗ്ലോബൽ VP ആയിരുന്ന ഹ്യൂഗോ ബാര കമ്പനി വിട്ടതിനും, കഴിഞ്ഞ വർഷം Microsoftന്റെ 1500 പേറ്റെന്റുകൾ സ്വന്തമാക്കിയതിനും ശേഷമുള്ള Xiaomiയുടെ ഏറ്റവും വലിയ ഡീലാണിത്. HMD Global Oyക്ക് കീഴിലുള്ള Nokiaയുടെ മൊബൈൽ നിർമാണയൂണിറ്റ് തങ്ങളുടെ വരും ഫോണുകളിൽ Xiaomiയുടെ Surge S1 ചിപ്സെറ്റും, അവരുടെ MIUI സോഫ്റ്റ്വെയറും ഉപയോഗിക്കാൻ പോകുന്നു എന്ന വാർത്തകൾ വന്നതിന് പിന്നാലെയെത്തിയ ഈ ഡീൽ ഇപ്പോൾ അക്ഷരാർഥത്തിൽ ടെക് ലോകത്തെ ഞെട്ടിച്ചിരിക്കുകയാണ്.

കുറഞ്ഞ വിലയിൽ കിടിലൻ ഫീച്ചേഴ്സുമായി xiaomi എത്തുന്നു.

കുറഞ്ഞ വിലയിൽ കിടിലൻ സ്പെക്സുമായി എത്തുന്ന Xiaomiയുടെ Redmi Note സീരീസ് ഏവർക്കും ഏറെ സുപരിചിതമാണ്. Redmi Note 3, Redmi Note 4 പോലെയുള്ള വളരെ പ്രശസ്തമായ ഫോണുകൾ അടങ്ങിയ Redmi Note കുടുംബത്തിന്റെ  അഞ്ചാം തലമുറ വരികയാണ്!

 Redmi സീരീസ് എന്നല്ല, Xiaomiയുടെ തന്നെ ആദ്യത്തെ സെൽഫി-സെൻട്രിക് സ്മാർട്ട്ഫോൺ ആണിത്. Redmi 4A പോലെ ഒരു എൻട്രി ലെവൽ ഫോണായിരിക്കും Redmi Note 5Aയും. രണ്ട് വേരിയന്റുകളിലായി പുറത്തിറക്കുന്ന ഫോണിന്റെ ഉയർന്ന വേരിയന്റ് Redmi Note 5A Pro എന്നോ Prime എന്നോ അറിയപ്പെടും എന്നാണ് റിപ്പോർട്ടുകൾ.

ബേസിക് വേരിയന്റ് സ്നാപ്ഡ്രാഗൺ 425 ചിപ്സെറ്റിനും, 2GB RAMനും, 16GB ഇന്റർണൽ മെമ്മറിക്കും ഒപ്പം എത്തുമ്പോൾ ഹൈ വേരിയന്റ് സ്നാപ്ഡ്രാഗൺ 435 ചിപ്സെറ്റിനും, 3GB RAMനും, 32GB ഇന്റർണലിനും ഒപ്പം എത്തും. 5.5″ HD 720p ഡിസ്‌പ്ലേയായിരിക്കും ഫോണിൽ ഉണ്ടാവുക. ആൻഡ്രോയിഡ് 7.1.1ൽ പ്രവർത്തിക്കുന്ന MIUI 9. സെൽഫി ഫ്ലാഷ് ഉൾപ്പെടെയുള്ള 16MP ഫ്രണ്ട് ക്യാമറയാണ് Redmi Note 5Aയുടെ ഏറ്റവും വലിയ പ്രത്യേകത. ആദ്യമായാണ് ഒരു Xiaomi ഫോണിൽ ഇത്തരമൊരു ക്യാമറ സംവിധാനം എത്തുന്നത്. പിന്നിലും 16MP ക്യാമറ തന്നെയായിരിക്കും ഉണ്ടാവുക. എന്നാൽ ബേസിക് വേരിയന്റിൽ ഫ്രണ്ട് ക്യാമറ 5MP ആയിരിക്കും എന്നും റിപ്പോർട്ടുകൾ വരുന്നുണ്ട്. ഡെഡിക്കേറ്റഡ് SD കാർഡ് സ്ലോട്ടാണ് മറ്റൊരു പ്രത്യേകത. 3000mAh നോൺ-റിമൂവബിൾ ബാറ്ററിയുള്ള ഫോണിൽ 4G VoLTE, Bluetooth 4.2 എന്നിവയും ഉണ്ടാകും. 6000 മുതൽ 9000 വരെയാണ് Redmi Note 5Aക്ക് പ്രതീക്ഷിക്കുന്ന വില.